DAVAO CITY – Nanawagan ang National Democratic Front of the Philippines sa hinanali nga pag-release sa ilang peace consultant nga gisikop sumala sa Toril kagahapong adlawa.
Matud pa kang NDFP peace panel chairperson Fidel Agcaoili nga ang pagbilanggo kang Ariel Arbitrario ug sa kaubanan niini usa ka kalapasan sa hinabing pangkalinaw. Ilado sumala pa si Arbitrario isip consultant sa peace talks.
Kahinumduman nga gisita si Arbitrario sa gimuntar nga checkpoint sa Task Force Davao kagahapon sa buntag.
Una ng gibutyag ni Army commander Brig. General Gilbert Gapay sa Task Force Haribon, nga ang kaubanan ni Arbitrario nga si Roderick Mamuyac adunay standing warrant tungod sa kasong murder.
Apan mi-alma ang NDFP sab pagbilanggo kang Arbitrario nga gipawas sa presohan kaniadtong bulan sa Agosto sa milabay nga tuig ilabi na nga nakaduso kini ug piyansa.
Gani nakatambong sumala pa ang nahisgutan sa gipahigayon nga formal talks sa Oslo, Norway sa milabay nga Agosto 22.
Matud pa kang Anak Pawis-represesntative Ariel Casilao, makaalarma ang pagsikop kang Arbitrario ilabi na nga gipailalom kini sa Joint Agreement on Safety and Immunity Guarantees (JASIG) ug dili kini mamahimong sikupon ilabi na kung gihimo niini ang iyang trabaho ug responsibilidad sa peace negotiations.
