Gipasidan-an sa Philippine National Police (PNP) ang mga negosyante nga namintaha sa krisis sa lana sa nasud, samtang gikompirma nga gatusan pa ka gas stations ang wala pa gihapon makabalik og operasyon tungod sa kakulang sa suplay.
Base sa report sa nasudnong kapulisan, hugot niining ginabantayan ang presyo ug distribusyon sa petrolyo.
Kini human matala ang mga kaso sa pagpahimulos samtang padayon nga gibati sa nasud ang epekto sa tensyon sa Middle East.
Bisan pa og adunay pipila ka istasyon nga nakabalik na og operasyon, nagpadayon gihapon ang kampanya sa kapulisan batok sa mga ilegal nga kalihokan.
Aron masiguro ang lig-on nga suplay, nakig-alayon na si PNP Chief Gen. Jose Melencio Nartatez Jr. sa Department of Energy (DOE) ug sa mga Municipal Price Coordinating Council.
Nagpabilin usab sa full alert status ang kapulisan, diin kapin sa 98,000 ka personnel ang naka-deploy sukad pa niadtong Marso 31.
Gihangyo sa hepe ang publiko nga gilayong ireport sa labing duol nga presinto, o motawag sa 911 ug sa opisyal nga PNP hotline, kung adunay mabantayang iregularidad sa pagbaligya sa petrolyo.
