Miabot sa $706 milyon (P41.7 bilyon) ang balance of payments (BOP) surplus sa Pilipinas niadtong Oktubre.
Sumala sa Bangko Sentral ng Pilipinas (BSP) mas taas kini kung itandi sa $82 milyon (P4.8 bilyon) niadtong Setyembre ug sukwahi sa $724 milyong deficit (P42.8 bilyon) sa susamang bulan niadtong nakalabay nga tuig.
Kini usab ang pinakamataas nga gikatala nga surplus sukad pa niadtong Pebrero nga miabot sa $3.09 bilyon (P182.4 bilyon).
Ang BOP mao ang listahan sa tanang mga transaksyon sa nasud sa pamatigayon, serbisyo, kita, kapital, ug pamuhunan gikan sa laing nasud.
Bisan pa man. nagpabilin nga adunay kinatibuk-ang nga deficit ang nasud nga $4.6 bilyon (P271.5 bilyon) gikan Enero hangtud Oktubre 2025, kung itandi sa $4.39 bilyong surplus (P259.4 bilyon) sa susamang panahon sa tuig 2024.
Gikanayon sa BSP nga mahinungdanon ang BOP isip sukdanan sa kahimsog sa ekonomiya ug kalambigitan sa Pilip0inas sa world market.
