DAVAO CITY – Naa na sa luwas nga kahimtang si Patrolman Noel Rentuza Amor, miembro sa Revitalized Pulis sa Barangay nga na-assign sa Talaingod, davao del Norte human gipusil sa NPA niadtong milabay nga adlaw.
Kahinumduman nga paingon unta mokuha ug modules sa mga estudyanting Ata Manobo si patrolman Amos kauban si Police staff Sg Diaz sa dihang gipamusil sa gibana-banang 2 – 3 ka mga sakop sa NPA sa Sitio Km. 31, Brgy. Dagohoy, Talaingod, Davao del Norte.
Dako na lamang ang pasalamat ni Patrolman Amor nga wala siya ma-intimano ug igo lamang na-igo sa palad nga bahin. Gipanaad usab ni Police regional office 11 regional director Brig. Gen. Filmore Escobal nga hatagan ug tabang pinansiyal ang nasamdang police.
Samtang, gikanayon usab ni Davao del Norte Governorf Edwin Jubahib nga magpadayon lamang gihapon ang R-PSB sa pagtabang sa mga batang lumad sa kabukiran luyo sa maong panghitabo. Alang kang Jubahib, luya na ang pwersa sa NPA ug hapit na kining mapukan sa kagamhanan.
Nagpasalamat usab si Datu Takugi Anlay, Chairman sa maong dapit ngadto sa kapulisan ug kasundaluhan nga naningkamot luyo sa presensiya sa NPA sa ilang lugar.
Gipaslaig usab niini ang iyang dakong suporta sa mga programa sa gobyerno bisan pa man ug patyon sumala pa siya sa mga rebeldi.
