7 ka sakay sa na-stranded nga sakyanang pandagat sa Samal Island, naluwas; anak sa senador, nahilakip sa mga na-rescue

DAVAO CITY – Gisalbar sa mga sakop sa PNP Maritime Group 11 ang unom ka mga pasahero nga sakay sa nadaot nga lantsa lakip na ang anak nga babaye ni Senator Ronald “Bato” Dela Rosa.

Subay sa report, kaniadtong adlawng Lunes, nag-island hopping ang mga kaubanan ni Macky Dela Rosa sa Island Garden City of Samal, probinsya sa Davao del Norte.

Sa dihang naguba ang ilang gisakyang lantsa gumikan sa kusog nga balod ug hingpit nga na-stranded ang mga sakay niini sa kadagatan sa Barangay Catagman.

Gilayong naglusad ang PNP Maritime Group 11 og rescue operations aron masalbar ang pito ka mga stranded.

Hinuon, walay nakahiagum ug injury ug luwas nga nakatungha sa pampang ang unom ka mga kaubanan ni Dela Rosa.

via || Bombo LJF