Bisan wala pay Pilipino nga natawo sa Pilipinas nga nakadaog og NBA championship, apan adunay usa ka player nga adunay dugong Pilipino ang siguradong makasaka sa trono karong NBA Finals.
Nasayran nga mag-atbang ugmang adlawa sa NBA Finals sila Jordan Clarkson sa New York Knicks ug Dylan Harper sa San Antonio Spurs, nga pareho adunay Filipino heritage ug tungod niini usa kanila ang siguradong mahimong kampeon sa NBA.
Si Clarkson, kansang inahan usa ka Filipina-American, mipirma sa Knicks niadtong Hulyo alang sa iyang ika-12 nga season sa NBA human sa iyang pagdula sa Los Angeles Lakers, Cleveland Cavaliers, ug Utah Jazz.
Nakadula usab siya alang sa Philippine national basketball team. Matud ni Clarkson, dakong inspirasyon kini alang sa mga Filipino-American ug mga Pilipino sa tibuok kalibotan.
Si Clarkson, nga mag-34 anyos karong Domingo, mibutyag usab nga iyang gibantayan ang paglambo ni Harper, ang 20-anyos nga rookie nga napili isip ikaduhang overall pick sa miaging NBA Draft.
Ang maong NBA Finals naghatag og talagsaong higayon alang sa mga Pilipino nga makakita og usa ka Filipino-heritage player nga mahimong NBA champion, usa ka makasaysayang higayon alang sa Philippine basketball community.
