Napili si Senador Sherwin “Win” Gatchalian isip bag-ong Senate President Pro Tempore karong hapon nga mopuli kang Senadora Loren Legarda, taliwala kini sa nagpadayon nga mga isyu sa liderato ug sunod-sunod nga pag-absent ni Senate President Alan Peter Cayetano ug ubang mga senador.
Gilayon nga nanumpa si Gatchalian sa iyang bag-ong katungdanan ug pormal nga milingkod isip ikaduhang labing taas nga opisyal sa Senado. Siya usab maoy molihok isip acting Senate President.
Sa iyang pahayag, gibutyag ni Gatchalian nga napugos ang liderato sa Senado nga ipadayon ang sesyon tungod sa padayon nga wala pagsipot ni Cayetano.
Wala na usab makatambong si Cayetano karong adlawa nga maoy ikatulong adlaw sa sunod-sunod niining pag-absent.
Samtang, gitudlo si Senador Juan Miguel Zubiri isip chairman sa makusganong Committee on Rules, nga maoy nagdumala sa dagan ug pagproseso sa mga balaodnon sulod sa Senado.
Wala usab makatambong sa maong sesyon ang ubang miyembro sa Majority Bloc. Sa pagkakaron, pormal nang nag-adjourn sine die ang Senado o walay gitakdang petsa alang sa sunod nga sesyon.
Ang labing bag-ong kausaban sa liderato sa Senado nahitabo taliwala sa nagpadayon nga tensiyon ug panagbangi, nga nakaapekto sa mga sesyon ug nakapahinay sa paglihok sa mga legislative nga buluhaton sa miaging mga adlaw.
