DAVAO CITY – Kantidad sa P35 mil ka pesos nga pinaugang dahon sa marijuana ang nakumpiska sa kapulisan sa Davao de Oro gikan sa usa ka Person with Disabilities (PWD) atol sa gilusad nga operasyon sa New Bataan Municipal Police Station ug uban pang law enforcement unit.
Gikanayong adunay gibug-aton nga kapin 750 gramo o adunay street value nga Php35,000.00 ang narekober gikan sa suspek nga nailang si Ronel Compas Macpao alyas “Paki”, usa ka Street Level Individual (SLI), 34 anyos, PWD ug residente sa Purok Macopa, Brgy. Langgawisan, Maragusan, Davao de Oro.
Una ng gilusad ang operasyon sa Purok 10-B, Sitio Libuton, Brgy. Andap, New Bataan, Davao de Oro.
Una ng nakadawat ug impormasyon ang kapulisan kalabot sa binuhatan sa suspek hinungdan nga gipanid-an kini sa otoridad pinaagi sa pag-test buy.
Narekober gikan sa iyang posisyon ang pito ka putos sa pinaugang dahon sa marijuana nga adunay nagkadaiyang gidak-on, P500.00 nga buy bust money.
Kasamtangan karon nga gikustodiya sa New Bataan MPS ug gi-andam na sab karon ang gikinahanglan nga dokumento alang sa iduso nga kaso.
