-- ADVERTISEMENT --
DAVAO CITY – Nakumpiska sa Toril Police ang nasa dul-ang dos milyones pesos nga kantidad sa mga ilegal nga droga atol sa buy-bust operation nga gilusad sa Barangay Crossing Bayabas, Toril, Davao City, kagahapon sa buntag.
Gikumpirma sa mga otoridad ang pagbaligya ug kontrabando sa 38 anyos na suspek nga si alyas Killua, taga-Catalunan Pequiño, ning dakbayan.
Sa dihang milusong ang mga otoridad, ilang napalgan ang syento trentay sais punto kwarentay tres gramos nga mga balot sa gituohang shabu nga nagkantidad ug P2,455,740.
Balhug na sa prisohan ang suspek nga pasakahan ug kasong paglapas sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
-- ADVERTISEMENT --
