Nagpasidaan si Gregorio San Diego, chairman emeritus sa Philippine Egg Board Association ug United Broiler Raisers Association, nga dili makapahimulos ang gagmay ug lokal nga magbababoy ug ang mga namuhi og manok kung ipaubos pa ang kasamtangang 40% nga taripa sa imported nga manok.
Matod ni San Diego, ubos na kaayo ang farmgate price sa manok karon nga anaa sa P90 matag kilo, busa wala na’y rason nga ipaubos pa ang taripa.
Gibutyag niini nga ang makabenepisyo ra mao ang mga nagbaligya og imported nga manok, samtang mas malugi ang lokal nga mga raisers.
Sa karon nga adunay krisis, kinahanglan tabangan ang sektor nga nagasuporta sa pagkaon sa katawhan, samtang ginatabangan usab ang direktang apektado sa lisod nga kahimtang sa mga mamumuo ug negosyante.
