Mipadayag ang Bangsamoro Autonomous Region in Muslim Mindanao (BARMM) administration og tibuok suporta sa katudluan ni kanhi Interior and Local Government Secretary ug ex-Congressman Mel Senen Sarmiento isip bag ong Presidential Adviser on Peace, Reconciliation and Unity (PAPRU), hulip kang outgoing Secretary Carlito Galvez Jr.
Atol sa iyang pagserbisyo sa kongreso, usa si Sarmiento sa principal authors sa House Bill No. 4994, nga nagsugyot alang sa kamugnaan sa usaka bag-ong autonomous political entity in Muslim Mindanao hulip kaniadto sa Autonomous Region in Muslim Mindanao (ARMM), usaka inisyatibo nga nakatabang alang katukuran sa BARMM ilalom sa Bangsamoro Organic Law.
Aktibo usab kini sa pakiglambigit sa mga deliberasyon sa Bangsamoro Basic Law (BBL), usaka dakong kalampusan sa peace process sa Mindanao.
Sumala sa mga BARMM officials ang hiniusang kasinatian ni Sarmiento sa natad sa legislation, governance, ug executive leadership ang gilauman nga mas mopalig on pa sa peace and development efforts sa rehiyon.
Si Sarmiento, kinsa nagserbisyo isip DILG Secretary ilalom kang kanhi Pangulong Benigno “Noynoy” Aquino III gikan 2015 ngadto sa 2016, ang kanhi usab magbabalaud gikan sa first district of Samar gikan 2010 hangtud 2015.
Samtang, gidayeg usab nila Maguindanao del Sur Representative Esmael “Toto” Mangudadatu ug BTA Parliament Member and Deputy Floor Leader Atty. Naguib Sinarimbo ang kontribusyon kaniadto ni Sarmiento isip magbabalaud ug kanhi hepe za DILG, ug naglaom nga mapadayon ug mas mapalambo pa niini ang nagpadayon nga paningkamot alang sa kahusay ug kalambuan sa rehiyon.
