Giandam na sa Davao Region PNP ang mukabat sa kapin 200 ka mga kaso batok sa sumala pa mga protektor ni Kingdom of Jesus Christ Leader Apollo Quiboloy.
Sumala pa ni PRO XI Regional Directore PBGen. Nicolas Torre III, nga gimugna na matud pa sa pulisya ang tanang mamahimong ipahamtang nga kaso, batok sa mga tagasuporta ni Pastor Quiboloy nga maoy nahimong hinungdan ug nganong nalangay ang pagpangita sa maong kontrobersya nga pastor.
Dugang pa ni Torre, gimanduan na niya ang mga police director nga anaa sa ilawom sa Davao Region PNP nga mag-andam ug hangtod sa napulo ka mga kaso sa matag-indibidwal nga mapamatud-ang mitabang sa pagtago ni Quiboloy.
Gawas sa mga supporters niini, magpahamtang sab matud pa ang mga kapulisan ug mga kaso batok sa mga indibidwal nga adunay impornasyon kalabot sa ginataguan ni Quiboloy apan gituyo nga dili kini makig-alayon sa PNP ug gituyo sab nga gitago ang maong impormasyon.
Lakip sa mga kaso nga ilahang ipahamtang mao ang obstruction of justice, disobedience ug uban pa.
Samtang, mupasang-at usab ang kapulisan nga nakalahi nga sedetion charge batok sa mga miyembro sa KOJC nga nagmugna ug blockade sa Carlos P. Garcia highway niadtong Agosto 25.
Ang nasampit nga kalsada maoy dalan padulong sa KOJC Compound.
Aduna na usab matud pa silay ginatumbok nga mga personalidad, lakip na sumala pa ang usa ka retiradong army general.
Sigon ni Torre, gamiton sumala pa sa kapulisan ang mga video ug mga hulagway nga ilahang nakalap niadtong panahon sa PNP operation sa KOJC gamit ang ilahang mga body cameras.
