Davao City – Narekober sa tropa sa 10th ID pinaagi sa ilang tulo ka batalyon og siyam ka mga high powered nga armas sa sunod sunod nga operasyon sa Agusan Del Sur, Bukidnon, Davao Occidental, og Sarangani Province.
Sa Brgy Malalan, Jose Abad Santos, Davao Occidental nakalutan sa tropa ang usa ka M16 Rifle og usa ka AK47 Rifle. Samtang niadtong Feb 5, 2022, susamang grupo usab ang nakarekober og 3 ka M16 Rifles.
Samtang sa Brgy. Cayaga, San Fernando, Bukidnon, nitahan sa 89th Infantry “Makatao” Battalion ang usa ka Sadyao Abay Man-aning, 65 years old, resident sa nasangpit nga lugar. Ang nahisgutan myembro sa Milisyang Bayan ilawom sa SRC5, SRGU dala niini sa pagtahan ang iyang US Garand Rifle.
Sa Mati City, Davao Oriental nitahan usab ang usa ka Alias Blood or Kidlat kinsa kanhi vice Commander sa nabungkag nga Guerilla Front North, ang nahisgutan ang nagtudlo sa mga kasundalohan sa ilang gilubong nga mga armas.
