DAVAO CITY – Dyutay na lamang ang kulang ug hingpit na nga operational ang duruha ka mga Covid-19 laboratory ning dakbayan diin dakong tabang kini aron nga mapadali ang proseso sa mga specimen sa mga tawo nga expose o gikatahapan nga natakdan ug covid-19.
Kahinumduman nga nalangay una ang pag-abli sa covid-19 laboratory nga nahimutang sa Broken shire ug Tugbok gumikan kay kulang pa ug pipila ka mga materyales.
Gani una ng gibutyag ni Dr. Ashley Lopez, OIC sa City Health Office (CHO) nga kompleto na ang gikinahanglan nga mga papeles aron nga hingpit na nga masugdan ang operasyon niini.
Sa higayon nga matapos na kini, dili lamang mga taga dakbayan sa Davao ang ma-akomodar niini kung dili lakip na ang mga specimen nga gikan sa mga kasikbit nga rehiyon.
Gikanayong ang Tugbok laboratory mamahimo sumala pa nga maka-proseso ug kapin 90 specimen sulod lamang sa usa ka oras.
Aduna sab sumala pa kini duruha ka mga RT-PCR machine nga mamahimong makabasa ug resulta nga hangtud sa 3,000 ilabi na kung 24 ang operasyon niini.
