DAVAO CITY- Tingkagol sa prisohan ang usa ka tigpayuhot ug iligal nga droga ang atol sa Anti-illegal Drugs (Buy-Bust) operation nga gipahigayon sa Purok 2, Brgy. 5-A, ning dakbayan pasado alas 6:39 kagabii.
Subay sa report sa kapulisan, naila ang dinakpan nga si Rodel 28-anyos walay trabaho nga residente ra sab sa maong dapit.
Ayol sa operasyon, nakumpiska sa dinakpan ang ginatuhuang shabu nga adunay standard Drug Price nga mikabat sa PhP 4,224.84.
Samtang sa laing bahin, dakpan sab ang usa ka tawo nga naghupot ug iligal nga droga atol sa gilusad nga drug buybust operation nga miresulta sab sa pagkasikop kang alias ‘’AGAW’’ usa ka Street Level Individual (SLI).
Sumala pa sa report sa Baliok PNP pasado alas kuatro sa hapon gilayon nga gipahigayon ang maong oerasyon sa Barangay Dumoy Talomo District, ning syudad nga meresulat sa pagkasikop nia alias “AGAW” 34 -anyos , walay trabaho ug residente sa Brgy. Bangkas Heights, Toril District, ning syudad sa Davao.
Nakumpiska sa dinakpan ang mga nagkadaiyang pakete sa iligal nga droga kon shabu nga nagkantidad ug Php 5,372 nga standard drug price lakip sab ang mga drug paraphernalia. Sa pagkakaron ang mga dinakpan ang anaa na sa kostudiya sa kapulisan samtang ipasaka ang kaso nga pagsupak sa RA 9165.
