DAVAO CITY – Mikabat na sa 19 ka mga barangay sa Laak Davao de Oro ang gideklara isip Drug Cleared sa Philippine Drug Enforcement Agency (PDEA) .
Gipangunahan ang nahisgutan nga programa ni Regional Oversight Committee Barangay Drug Clearing Program (ROCBDC) chair DIRECTOR II ANTONIO E RIVERA, Regional Director, PDEA Regional Office kaabag ang mga miyembro niini gikan sa Department of Interior and Local Government as Vice-Chairperson, Police Regional Office XI, Department of Health and Local Government Unit diin ilang gi-validate ang mga dokumento nga gisumite sa 19 ka mga aplikante nga barangay sa Laak, Davao de Oro nga gilangkuban sa Barangay Anitap, Bagong Silang, Banbanon, Bollukan, Buhi Ampawid, Doña Josefa, El Katipunan, El Papa, Inakayan, Kaligutan, Kidawa, Langtud, Macopa, Malinao, Naga, New Bethlehem, San Antonio, Sisimon ug Sto. Niño.
Gipahigayon ang aktibidad sa Laak Municipal Grounds sa nahisgutan nga munisipalidad diin nakapasar sumala pa ang maong mga dapit sa mga rekisitos nga gipangayo sa Dangerous Drugs Board Regulation Number 3, Series of 2017 ug PDEA Memorandum Circular Number 2020-041.
Gawas sa mga opisyal sa otoridad, gitambongan sab ang maong seremonya sa representante ni Governor Jayvee Tyron L Uy, Mr. Rogelio M Arambala, Executive Assistant II; Hon Antonio Libuangan, Municipal Mayor sa Laak; PLTCOL Michael John Peria sa Police Regional Office XI; Dr. Caridad Matalam sa Department of Health; Mr. Jonathan Leybag, Municipal Local Government Officer sa Laak; Barangay Officials ug BADAC Members sa 19 ka mga Drug Cleared Barangays.
