DAVAO CITY – Gideklara karong drug free ang katorse ka mga barangay sa Davao City, sumala sa Philippine Drug Enforcement Agency – Davao.
Nahilakip niini ang mga barangay sa 36-D, Talomo River, Gumalang, Alambre, Tungkalan Balengaeng, Biao Escuela, Los Amigos, Manuel Guianga, Matina Biao, New Valencia, Tacunan, Tagakpan, ug Talandang.
Gikanayon ni PDEA-Davao spokesperson Noli Dimaandal nga malampuson nilang naabot ang mga gikinahanglang rekisitos sa buhatan ilawom sa Dangerous Drugs Board Regulation No. 3 Series of 2017 ug PDEA Memorandum Circular 2020-041.
Tungod niini, otchentay uno sa syento otsentay dos ka mga barangay karon sa Davao City karon ang gideklarang drug free sa ahensya.
Matud pa ni Dimaandal nga dagko kini nga legasiya sa matag barangay ang pagbaton ug drug free status nga gipaningkamutan sab na maabot sa ubang mga barangay diri sa dakbayan.
Apan, dili lalim nga maabot sa maong kampanya ang pipila ka barangay partikular na sa downtown areas ilabi na sa mga lawak nga apektado gihapon sa ilegal nga droga.
Busa, magpadayon gihapon ang PDEA-Davao ug ang mga kasikbit nga ahensya ang ilang kampaya batok sa mga nahisgutang kontrabando.
via || Bombo LJ Florendo
