Patay ang drayber sa passenger van human kini mabangga sa trailer truck sa Purok 3, Quarry, Barangay Sampagar, Damulog, Bukidnon.
Giila ang drayber nga si Alfredo Lagrimas, hingkod ang pangidaron, ug residente sa Brgy Sinayawan, Valencia City, Bukidnon.
Sakay usab sa van ang 6 ka mga pasaherong madre nga nagpuyo sulod sa Monastery of Transfiguration sa San Jose, Malaybalay City.
Sumala sa report, ang van paingon sa habagatang direksyon paingon sa Carmen, North Cotabato, samtang ang trailer truck gikan sa laing direksyon paingon sa Kibawe.
Gumikan sa kusog nga impak, na-trap ang driver ug kinahanglang gamitan og hydraulic equipment aron makuha ang iyang lawas.
Wala pa gipagawas ang mga ngalan sa mga sakay samtang nagpadayon pa ang imbestigasyon ug gikoordinasyon sa kapulisan ang mga pamilya sa mga biktima.
Samtang kasamtangang nagapaalim sa balay tambalan ang mga pasahero.
