Gibutyag ni Vice President Sara Duterte nga wala na matud pa sila nagkastorya ni Pangulong Bongbong Marcos Jr. sukad niadtong mipasa kini ug resignation nga mukanaog na kini sa iyang pwesto isip usa ka DepEd Secretary.
Giangkon niini nga dili sumala pa sila managhigala ni Pangulong Marcos Jr. ug makonsidera lamang nga kaila, gumikan nagkaila lamang matud pa sila niadtong panahon sa kampanya nga diin nagka-running mate sila niini.
Gipaklaro niini nga si Senator Imee Marcos lamang ang iyahang giila nga higala ug dili ang maong Pangulo sa Pilipinas.
Gipangutana sab kini kung aduna bay posibilidad nga depensehan kini sa Pangulo si VP Sara nunot pa man sa mga nasinatian niining mga pagpang-gurgur sumala pa kaniya.
Apan gikanayon sa maong bise presidente nga kaniadto pa kini niyang kinaiya nga dili gayud siya nagapangayo ug tabang, hilabi na sa iyahang ginakaatubang karun nga hagit sa kinabuhi hilabi na sa iyahang opisina, dugang pa niini nga kaya matud pa niya ang iyahang kasamtangang nasinaitang sitwasyon karun.
