Personal nga mipasaka si VP Sara Duterte og ikaduhang perjury complaint batok kang Ramil Madriaga sa Taguig City Prosecutor’s Office niadtong Lunes, Agosto 17, 2026.
Gikuyogan ang Vice President sa iyang legal counsel nga si Atty. Salvador Paolo Panelo Jr.
Matod sa kampo ni VP Sara, may kalabotan ang bag-ong reklamo sa supplemental affidavit ni Madriaga nga petsado Abril 11, 2026, ug gi-file ubos sa Article 183 sa Revised Penal Code.
Giingon ni Panelo nga mokabat og mga 1,000 ka pages ang complaint ug adunay sworn testimonies ni Duterte, 12 ka corroborating witnesses, official documents, certifications, messages, photographs ug public records.
Una nang mipasaka si Duterte og perjury complaint batok kang Madriaga niadtong Marso 4.
Si Madriaga miangkon kaniadto nga bagman siya ni Duterte ug giingong gitahasan sa pag-apod-apod sa P125 milyong confidential funds sa OVP sulod sa wala pay 24 oras.
Gisalikway ni VP Sara ug Col. Raymond Lachica ang mga alegasyon ni Madriaga batok kanila. | VIA BOMBO EROS PAJOTA
