Gipasakaan og kasong grave threats si VP Sara Duterte sa Quezon City Regional Trial Court, sumala sa kumpirmasyon sa Department of Justice.
Matud ni DOJ spokesperson Atty. Polo Martinez, may kalabotan ang kaso sa mga pahayag ni VP Sara niadtong 2024 nga giisip nga hulga batok sa kinabuhi ni Pres. Ferdinand Marcos Jr., First Lady Liza Araneta-Marcos ug kanhing House Speaker Martin Romualdez.
Ang pagsang-at sa kaso nagpasabot nga mosulod na kini sa proseso sa korte, diin pagahisgutan ang mga alegasyon ug tubag sa kampo sa bise presidente.
Samtang sa laing bahin, inciting to sedition complaint nga gisang-at sa National Bureau of Investigation batok kang VP Sara, gibasura sa DOJ kini human wala sila makakitag igo nga ebidensya aron mapasaka kini sa korte.
Matud ni Martinez, dili igo ang mga ebidensyang gipresentar sa NBI aron suportahan ang inciting to sedition charge.
Sa pagkakaron, ang grave threats case maoy pormal nga nagpadayon sa Quezon City RTC, samtang nahuman na sa DOJ ang pagresolba sa inciting to sedition complaint. | VIA BOMBO EROS PAJOTA
