DAVAO CITY – Supak ang grupong Bantay Bigas sa gipatumang price cap sa palit sa humay gumikan lugi matud pa ang mga mag-uuma. Sumala kang Cathy Estavillo, ang tigpamaba sa grupong Bantay Bigas nga subay sa ilang monitoring, adunay daghang klase sa bugas sa merkado ang grabehan ang pag-usbaw sa presyo.
Ang maong sugyot nga gipagawas sa Department of Finance diin hugot nga ipatuman ang 10-0% rice tariff alang sa mga imported nga bugas.
Dugang pa ni Estavillo nga hugot kining gikondena sa daghanang mga grupo sa stakeholders sa bugas ug uban pa nga mga mag-uuma. Subay sa maong price cap nga gipatuman, mamahimong makunhuran ang presyo sa humay sa ngadto sa P6, sigon ni Diokno, apan, mao matud pa kini ang hingpit nga makapalugi sa mga mag-uuma ug daghanang industriya sa humayan sa nasud gumikan dili gayod mamahimong makipagkumpetensiya ang suplay sa humay sa atong mga mag-uuma tandi sa suplay sa humay gikan sa laing nasud.
Matud pa og hugot na gayod kining ipatuman, dako ang mawala nga kantidad sa kwarta nga posibleng mukabat ngadto sa P10-B.
Gani, og mapatuman kini, posibleng misugot na lamang ang gobyerno sa pagpasulod sa smuggled nga bugas sa nasud gumikan di na angay pa og kasulatan kon dokumento tungod 0% na ang presyo sa humay.
Nanawagan usab si Estavillo nga itaktak na sa iyang pwesto si Diokno ug tigpamaba sa NEDA nga si Balisacan gumikan ang ginaduso niini dili alang sa kaayuhan sa tanang mag-uuma sa nasud, apan interes lamang kini sa mga miller ug trader aron nga baraton, ingon man hangyuon ang palit sa presyo sa palay.
