Gikumpirma ni Philippine Ambassador to the United States Jose Manuel “Babes” Romualdez nga gibawi sa Estados Unidos ang diplomatic ug tourist visas ni Leyte Rep. ug kanhi House Speaker Martin Romualdez.
Sa usa ka panayam, giingon ni Ambassador Romualdez nga gihimo ang visa revocation samtang giimbestigahan si Rep. Martin Romualdez may kalabotan sa giingong mga anomalya sa flood control projects.
Nahinumduman nga una nang nagpagawas ang Sandiganbayan og precautionary Hold Departure Order batok sa kongresista may kalabotan sa mga reklamong naglangkob sa giingong plunder, direct bribery, indirect bribery, paglapas sa Anti-Graft and Corrupt Practices Act ug money laundering.
Apan mariing gihimakak ni Rep. Martin Romualdez ang tanang alegasyon batok kaniya ug giingong wala kini gibase sa lig-on nga ebidensiya kundili sa politika lamang.
Sa pagkakaron, padayon pang gipaabot ang opisyal nga reaksyon sa kampo sa kongresista kabahin sa pagbawi sa iyang mga visa sa Estados Unidos.
