DAVAO CITY – Gidagsa sa mga job seeker ang two-day Tourism Job Fair nga gipahigayon sa usa ka mall sa Lanang ning syudad sa Davao. Mukabat sa 2,541 job vacancies ang giablihang oportunidad sa “Trabaho, Turismo, Asenso” nga usa ka nationwide simultaneous event sa nasud nga giorganisa sa DOLE, Department of Tourism, ug Public Employment Service Office.
Sumala kang Paul Cruz, chief sa technical services and support division sa DOLE-Davao, nag unang tinguha sa ilang job fair nga mahatagan og oportunidad ang mga nawad-an og trabaho sukad nga nibutho ang Covid-19 pandemic. Mikabat usab sa 35 ka kompanya ang mipartisipar apil na niini ang hotels and other tourism-related establishments.
Gawas sa local employment, ni-take charge usab ang Department of Migrant Workers alang sa recruitement sa overseas employment. Lakip sa mga job offering ang housekeepers, butlers , front office personnel, kitchen staff, customer service representatives, planning personnel, ug warehouse helpers. Gibana-banaang anaa sa at least 10 to 15 per cent job applicants ang na hire on the spot.
Sumala sa National Economic Development Authority (NEDA)-Davao, 11,871 ka trabahante sa rehiyon sa Davao ang nawad-an og trabaho niadtong 2021 tungod sa pagpakunhod sa workforce sa mga establishments nga resulta sa permanent o kaha temporary closures sa mga negosyo. Gani anaa sa 450 establishments ang nag reduce sa ilang workforce, 85 niini ang permanently closed, ug 31 temporarily closed sukad ning nakalabay’ng tuig.
