Gibutyag ni Senador Erwin Tulfo nga adunay pipila ka mga senador gikan sa Minority bloc nga nakikiusap nga dili una ipadayon ang imbestigasyon sa Senate Blue Ribbon Committee sa mga alegasyon sa anomalya sa mga flood control projects.
Matod ni Tulfo, nahibulong siya tungod kay mao usab ang pipila kanila ang unang mikritisar sa liderato sa Senado ug nag-ingon nga wala kunoy lihok sa maong imbestigasyon.
Giingon sa senador nga dili niya masabtan ang ilang baruganan kay sa una gusto nilang ipadayon ang imbestigasyon apan karon sila na hinuon ang nangayo nga ipaubos una ang hearing.
Wala hinuoy ginganli ni Tulfo ang mga senador nga iyang gipasabot, apan matod niya, klaro na kuno kung kinsa ang iyang gitumong ilabina sa mga personalidad nga gustong maimbestigahan ni Senador Ping Lacson.
Sa pagkakaron, wala pa’y opisyal nga tubag gikan sa mga miyembro sa Minority bloc kalabot sa gibutyag ni Tulfo.
