Nagbahad si US Pres. Donald Trump nga posibleng mosamot ang gubat sa Middle East kung mapakyas ang peace process sa Iran, samtang misaka ang presyo sa lana ug nagpadayon ang tensyon sa Strait of Hormuz.
Gibutyag niini nga magpabilin ang pwersa sa militar sa Amerika sa rehiyon hangtod makab-ot ang kasabutan sa kalinaw, ug kung dili, posible ang mas dako ug mas grabe pa nga opensiba batok sa Iran.
Gibutyag usab niini nga andam na ang U.S. ships, aircraft, ug personnel nga adunay dugang armas kung kinahanglanon.
Samtang kabahin niini, misaka ang presyo sa lana sa global market kung itandi sa wala pa magsugod ang joint U.S.-Israel operations.
Nagpabilin usab nga dili klaro ang sakup sa ceasefire, ilabina human sa airstrikes sa Israel sa Lebanon nga nakapatay og kapin 250 ka mga tawo, ug gitawag sa Iran nga “unreasonable” ang negosasyon.
Sumala kang Palace White House Spokesperson Karoline Leavitt, dili angay motuo gilayon ang publiko sa naratibo sa Iran.
