Magsaulog si US President Donald Trump sa ika-25 anibersaryo sa September 11 terror attacks pinaagi sa pag-apil sa commemorative activities sa Pentagon imbes sa Ground Zero sa New York City.
Base sa pinakabag-ong reports, dili motambong si Trump sa main ceremony sa World Trade Center, diin si Vice President JD Vance ang gilaumang morepresentar sa administrasyon.
Si Trump, nga native sa New York, una nang gitan-aw nga posibleng motambong sa Ground Zero ceremony.
Apan sumala sa mga sources nga pamilyar sa plano, kabahin sa rason sa iyang pag-adto sa Pentagon mao ang iyang gustong paghatag og remarks.
Dugay nang polisiya sa National September 11 Memorial and Museum nga dili tugotan ang mga politiko sa paghatag og speeches atol sa Ground Zero ceremony aron mapabiling nonpartisan ang commemorative event.
Sa Pentagon, gilaumang mohatag og mensahe si Trump isip paghinumdom sa mga namatay sa September 11, 2001 attacks.
Ang Pentagon usa sa mga lugar nga giatake kaniadtong 9/11, kauban sa World Trade Center sa New York ug Flight 93 nga nahagsa sa Pennsylvania.
Pagahimuon ang ika-25 anniversary commemoration karong September 11, 2027.
