DAVAO CITY – Plano karon sa Police Regional Office (PRO)-Davao ang pagmugna og tourist police aron masiguro ang seguridad sa beach-goers ilabi na karon nga daghanang mga turista ang motabok paingon sa Island Garden City of Samal (Igacos).
Una ng gibutyag ni PRO-Davao Director Police Brigadier General Filmore Escobal nga mihangyo sumala pa ang lokal nga panggamhanan sa Igacos og dugang nga police force nga i-deploy sa isla.
Sumala pa kang Escobal nga miadto na siya sa national headquarters alang sa activation sa tourist police sa Samal Island dungan sa pagbutyag nga gi-activate na nila ang unit apan sa interim status.
Gi-proseso na lamang nila karon ang pag-fill up sa gikinahanglan nga personahe aron nga makumpleto na ang bag-ong unit nga ilalom sa pagdumala sa provincial police.
Target sumala pa nilang permanente nga ma-activate ang tourist police ayha matapos ang kasamtangang tuig.
Langkuban kini sa usa ka platoon o tugbang sa 30 ka mga personahe depende sa circular nga aprubahan sa National Police Commission (Napolcom).
Ang nahisgutan nga personahe ang ipakatag sa pipila ka mga lokasyon palibot sa Igacos.
