-- ADVERTISEMENT --
DAVAO CITY- Nadakpan sa mga operatiba sa Buhangin PNP ang gikonsidera nga High Value Individual nga anaa sa ikatulo sa listahan sa Davao City Police office nga tigpayuhot ug iligal nga droga.
Subay sa report gikan sa kapulisan, usa ka alias Jhun-Jhun ang nadakpan sa gilusad nga drug buybust operation pasado alas onsi ang takna sa udto sa E. Dela Peña Village, 4th Avenue, Brgy Cabantian, ning dakbayan sa Davao nga miresulta sa pagkakumpiska sa mga pakete sa iligal nga droga kon shabu.
Mokabat sa Php 175,000 ang kinatibuk-an nga kantidad sa iligal nga droga ang nakompiska nga karon gikustudiya na sa mga otoridad.
Samtang karong adlawa gipasakahan ang suspek ug kasong pagsupak sa RA 9165 sa piskalya sa Ecoland ning dakbayan sa Davao.
