DAVAO CITY – Nakumpiska sa mga otoridad ang tag-as nga kalibre sa armas ug iligal nga droga atol sa gipahigayon nga checkpoint sa Task Force Davao ug kapulisan sa Bunawan.
Subay sa report sa mga otoridad, igo lang kining giila nga usa ka 27-anyos, ulitawo single,usa ka laborer,ug resident sa Purok 6, Andap, New Bataan, Davao de Oro ug ang ikaduha usa ka 32-anyos, nga usa sab ka laborer nga residente sa Purok 8 Barangay Mainit, Nabunturan Davao de Oro.
Nababagan ang mga mahisgutan pasado alas kuatro ang takna kaadlawon sa Licanan, Lasang, ning syudad sa Davao.
Nakumpiska sa mga otoridad ang usa ka.45 nga pistola nga dunay duha ka serial number nga adunay tulo ka mga bala sa iyahang magazine.
Samtang atol sa pagrekisa sa mga otoridad nakuhaan sab ang usa sa mga suspek ug pinauga nga dahon sa marijuana ug usa usab ka modified .45 nga armas nga naay unod nga lima ka mga bala ang magazine.
Nasayran nga ang duha ang nagsakay sa Toyota Vios samtang gisulay kini ug agi sa PNP / TF Fixed Checkpoint sa Licanan, Lasang, ning syudad sa Davao sa Private Vehicle inspection area.
Nagkantidad ang pinauga nga dahon sa Marijuana ug Php.3,852 nga standard drug price.
Sa karon ang mga dinakpan ang gipasakahan na ug kasong pagsupak sa RA 9165 ug kasupakan sa paghupot ug armas ilawom sa RA 10591.
