DAVAO CITY – Gipahibalo sa lokal nga kagamhanan nga bisan gipailalom karon sa lockdown ang Sangguniang Panglungsod (SP) building, mamahimo sumala pa nga bisitahon ang pipila ka mga links alang sa tanan nga mga transaksiyon nga adunay kalabutan sa Special Mayor’s Permit ug Occupational Permits.
Gikanayong mamahimo nga ma-access niini ang links nga https://specialpermit.davaocity.gov.ph/ alang sa Special Permits ug https://occupationalpermit.davaocity.gov.ph/ alang sa Occupational Permits.
Samtang sa uban sumala pa nga transactions, mamahimong ibutang na lamang ang mga dokumento sa mga drop boxes nga nahimutang duol sa Entrance sa Sangguniang Panglungsod Building.
Mamahimong hulaton na lamang matud pa ang pahibalo pinaagi sa pagpadala ug mensahe panahon nga ipadayon na ang pagproseso sa transaksiyon.
Gi-awhag sab ang publiko nga kung aduna kini verification ug uban pa nga concern, mamahimo sumala pa nga mag-email sa busbureau@davaocity.gov.ph.
Kahinumduman nga temporaryo una nga gisuspende ang tanan nga mga transaksiyon sa mga buhatan sa lokal nga kagamhanan human nga gipailalom kini sa lockdown tungod sa mga nagpositibo nga mga empleyado.
