DAVAO CITY – Mamahimo na karon nga makapagawas ang Southern Philippines Medical Center (SPMC) ug resulta sa mga patients under investigation (PUIs) sulod sa 24 oras human nga gihatagan na sila ug certification sa Research Institute for Tropical Medicine (RITM) nga mamahimo na silang makapahigayon ug coronavirus disease (Covid-19) testing.
Sumala pa kang SPMC chief of clinics and Health Emergency and Management Bureau (HEMB) coordinator Dr. Ricardo Audan nga dili sama kaniadto, dili na sila magpadala ug swab samples sa PUIs sa RITM sa Muntinlupa City.
Kahinumduman nga ang SPMC maoy bugtong ospital nga giilang sub-national laboratory aron makapahigayon ug test swab samples sa patients under investigation sa tibuok Mindanao.
Ang SPMC Molecular Laboratory mamahimong makapahigayon ug independent testing sa Covid-19 pinaagi sa paggamit ug real-time polymerase chain reaction (PCR) testing procedure.
Gikanayong nakadawat karong ang SPMC ug inisyal nga 200 testing kits gikan sa Department of Health (DOH).
