DAVAO CITY – Gilauman sa Davao City Tourism Operations Office (CTOO) nga moabot sa 45,000 ngadto sa 50,000 ka mga Dabawenyo ang mosalmot sa Parada Dabawenyo karong Marso 17. Sumala pa ni Harold Quibete, ang event organizer, aduna nay 300 ka kompirmadong contingents ug 41 ka banda, nga adunay kinatibuk-ang 15,000 ka walking contingent.
Samtang sumala pa ni Public Safety and Security Office (PSSO) Head, Angel Sumagaysay, magpakatag na ang ahensya og anaa sa 7,050 ka mga personahe atol sa laumang pagdagsang sa mga musalmot sa Parada.
Alang sa bag-ong ruta sa Parada Dabawenyo, dunay bag-ong ruta nga pagalatason sa mga partisipante nga manukad sa may Roxas Avenue paingon C.M. Recto Street ngadto Rizal Avenue, una pa man muliko pa-tuo paingon Iñigo Street, ug pa-wala nga direksyon paingon San Pedro St., paingon San Pedro Square.
Samtang ang tanang contingent nga dunay mga sakyanan kinahanglang modiretso sa Davao City Police Office ug mogawas sa Quimpo Boulevard.
Ang mga walking contingents moliko sa tuo gikan sa San Pedro Police Office nga moagi sa Bonifacio Rotunda paingon sa pickup point sa Felcris Centrale.
Dunay ipahimutang nga mga LED Walls sa Magallanes ug main entrance paduol sa usa ka Chinese fastfood chain, ug luyo sa main stage aron masiguro nga adunay kahigayonan ang mga manan-away nga makasaksi sa kalihokan.
Mupakatap usab ang City Disaster Risk Reduction and Management Office og mga medical personnel alang sa mga emerhensya.
Samtang ipahimutang sa ipahimutang sa Davao City Water District ang mga water station.
Giawhag ang mga partisipante sa pagsiguro nga hydrated ug nakakaon sa wala pa ang parada.
Dugang tambag sab sa ahensya alang sa mga partisipante nga dill magsul-ob og mga panabton nga dunay kaparehas nga disenyo sa mga sinina sa pulis, sundalo ug uban pang uniformed personnel.
Samtang bawal sab magsuot og mga susamang outfit ingon man pagdala sa mga airsoft guns ang mga airsoft enthusiasts nga musalmot sa parada.
