DAVAO CITY – Gipasibaw sa Alliance of Responsible Miners in Region 11 kon ARMOR 11 ang responsableng pagmina.
Sa gipahigayong 2nd stakeholders’ forum sa organisasyon sa usa ka dakong hotel sa Davao City, gikanayon sa presidente sa alyansa nga si Constancio Paje, Jr. nga laraw nilang ipaambit sa tanang mga anaa sa industriya sa pag-mina ang mga polisiya nga naglambigit sa pagkuha, pagpalambo ug paggamit sa mineral resources sa nasod, partikular na sa galambo nga industriya sa tibuok isla sa Mindanao.
Dungag sab ni Paje nga gama sa tanang mga minerales sa kalibutan ang mga kabtangan nga atong ginagamit sa pang-adlaw adlaw nga kinabuhi, timailhan sa dagkong importanysa sa pagmina sa ekonomiya sa nasud.
Apan luyo sa pag-uswag niini mao ang dagkong baylo nga kadaot sa kinaiyahan gumikan sa iresponsable nga pagpahimulos sa mga minerales.
Busa, kinahanglang sundon sa mga mining companies ang mga balaod nga adunay kalabutan sa responsible mining sama sa Republic Act No. 7942 kon Philippine Mining Act of 1995, nga nagsunod sa mga prinsipyo sa malungtarong kalamboan nga nanawagan sa pagtubo sa ekonomiya, pagpanalipod sa kinaiyahan ug pagpalambo sa komunidad.
Gisalmutan sa mga environmental planners, environment planning officers ug mga LGUs ang maong comference nga gi-organisa uban ang Mines and Geosciences Bureau 11.
VIA || Bombo LJ Florendo
