Gisupak ni ACT Teachers Party-list Rep. Antonio Tinio ang paghatag sa parliamentary courtesy sa Office of the President atol sa pagdungog sa proposed 2027 budget niini.
Matod ni Tinio, kinahanglan nang wagtangon sa Kongreso ang maong tradisyon aron mapadayon ang transparency ug accountability sa paggamit sa pondo sa gobyerno.
Giinsistir niya nga ang Office of the President kinahanglan usab ipailalom sa masusing pangutana ug pagrepaso, ilabina sa confidential ug intelligence funds niini.
Sa budget hearing, gibutyag nga nangayo ang Office of the President og P10.15 bilyon nga badyet alang sa 2027.
Gipangutana ni Tinio nganong dako nga bahin sa proposed budget ang gigahin sa confidential ug intelligence funds, ug nganong dili kini susihon sama sa ubang ahensya sa gobyerno.
Bisan pa sa iyang pagsupak, 37 ka miyembro sa House Committee on Appropriations ang mibotar pabor sa pagpalawig sa institutional ug inter-branch courtesy ngadto sa Office of the President.
Lima ka miyembro, lakip ang mga gikan sa minorya, ang mibotar batok.
Human sa botohan, gitapos dayon ang committee deliberations ug giisip nga submitted for plenary consideration ang proposed 2027 budget sa Office of the President karong tuiga.| VIA BOMBO EROS PAJOTA
