DAVAO CITY – Gibutyag karon sa Paquibato Police Station nga closed case na ang gikatahong rape slay nga nahitabo sa Sitio Lubas, Barangay Paquibato Proper ning syudad sa Dabaw diin giila ang suspek sa pagpatay sa usa ka 9-anyos nga babae nga si Anacito Abejuela Tupas Jr, 31-anyos, nga uyoan sa biktima.
Matud pa ni Paquibato PNP Chief of Police Major Joenel Pederio, makonsiderang sulbad na ang kaso gumikan na usab sa hugot nga kooperasyon sa mga residente sa nahisgutang dapit.
Kahinumduman nga na-missing ang maong bata kansa anaa sa poder sa iyang apohan niadtong Marso 17. Nasayran sab nga ang inahan sa maong bata ang nanarbaho sa Cotabato City.
Pipila ka adlaw sab nga na-missing ang 9 anyos nga biktima. Dugang pa ni PMAJ Joenel Pederio, adunay sakit sa pangisip ang suspek og dugay nang gireklamo nga nagapanguha og underwear sa lugar.
Sa pagkakaron, wala pa nagpagawas og autopsy ang maong buhatan mahitungod sa kamatayon sa biktima nga si Katelyn Tomines Tupas.
