Gipasalig ni Public Safety and Security Command Center (PSSCC) Chief Retired General Benito de Leon sa publiko nga naningkamut sila aron nga masiguro ang seguridad sa katawhan sa siyudad.
Segun ni De Leon, nakigkita na sila nagkadaiyang heads sa mga security agencies dungan sa pasalig nga mihimo na sila ug tukma nga mga pamaagi aron nga mapabilin ang kahusay ug kalinaw sa siyudad.
Gitataw sab sa opisyal nga sayud si Mayor Sara Duterte sa mamahimong epekto sa siyudad sa pagtangtang ni Pangulong Rodrigo Duterte sa ceasefire tali sa rebeldeng New People’s Army (NPA).
Hinuon gikanayon ni De Leon nga nangandam na sila sa bisan unsa man nga bahad ug pabilin sila karon nga naka-monitor sa palibut.
Samtang sa pikas nga bahin, gikanayon sab ni Davao City Police Office (DCPO) Sr. Supt. Michael John Dubria nga hugtanon sab sila karon nga nakiglambigit sa PSSCC aron masiguro ang kaluwasan sa katawhan.
