Giabli karong Agosto 10 ang Pristine Healthcare Diagnostic Center o PHDC sa Aeon Towers, Bajada, Davao City, nga nagtumong sa paghatag og mas paspas, sayon ug kasaligan nga diagnostic services alang sa mga Dabawenyo.
Isip usa ka homegrown diagnostic facility, nasangkapan ang PHDC og mga bag-ong kagamitan alang sa nagkalain-laing medical tests aron masiguro ang tukma nga resulta ug maayong pag-atiman sa mga pasyente.
Gipasabot sa PHDC nga dili lamang kini alang sa premium market, kondili gitumong usab ang ilang serbisyo alang sa publiko sa kinatibuk-an pinaagi sa mas kompetisyon nga presyo alang sa mga espesyal nga medical tests.
Pinaagi sa ilang mga serbisyo, gitinguha sa diagnostic center nga mas mapaduol ug mas sayon ma-access sa mga Dabawenyo ang importanteng serbisyo panglawas nga dili kinahanglan nga mobiya pa sa dakbayan.
Ubos sa ilang motto nga “Health First, Always,” gipasalig sa PHDC nga unahon ang panglawas ug kaayohan sa mga Dabawenyo samtang naghatag og kalidad ug kasaligan nga serbisyo sa diagnostic testing. | VIA BOMBO EROS PAJOTA
