Gipanghambog ni US Pres. Donald Trump nga nanguna ang Estados Unidos batok sa China sa lumba sa artificial intelligence, ug gibarugan niyang paningkamotan sa Washington nga mapabilin ang maong bentaha.
Matod pa ni Trump, “substantially ahead” ang US sa China sa AI, samtang iyang gipasiugda nga importante ang pagpabilin sa American leadership sa advanced technology.
Dugang pa, gipakusog sa iyang administrasyon ang mga polisiya nga nagtumong sa pagpalambo sa AI innovation ug national security sa Estados Unidos.
Apan kusog usab ang pag-abante sa China, ilabina sa open-source AI models, data utilization ug paggamit sa AI sa manufacturing ug robotics.
Lakip sa gitutokan sa Washington ang pagpugong sa China sa pagkuha og strategic advantage sa semiconductors, critical minerals ug AI partnerships.
Sa pagkakaron, gipaabot nga maghisgot usab ang US ug China bahin sa AI sa ilang formal dialogue karong Septiyembre. | VIA BOMBO EROS PAJOTA
