Maggahin ang Philippine Ports Authority kon PPA ug P16 billion alang sa pagpalapad ug pagmodernize sa mga nag-una nga port projects sa nasud sa mosunod nga upat ka tuig.
Sumala kay PPA General Manager Jay Santiago, dakong bahin sa maong pondo ang gigahin alang sa implementasyon sa 14 ka big-ticket port projects sa ahensya.
Lima niini ang anaa sa Luzon, unom sa Visayas ug tulo ang anaa sa Mindanao. Pagpasabot sa ports manager sa nasud nga ang P3.5 billion ang naggikan sa tinuig nga P4 billion nga pondo niini ang gigahin alang sa maong mga proyekto matag tuig.
Samtang ang maong mga proyekto ang gilangkuban sa Port Capinpin, Currimao Port, Jose Panganiban Port, Bologo Port ug Claveria Port sa Luzon. Samtang sa Visayas, gilakipan kini sa Catacbacan Port, Tapal Port, Babatngon Port, Banago Port ug Ormoc Port kauban ang pagpatindog og bag-ong pantalan sa Northern Samar.
Alang usab sa Mindanao, gilakipan kini sa kontroksyon sa bag-ong pantalan sa Dapa,Surigao del Norte alang sa mga cargo ship ug pag-upgrade usab sa Port of Sasa ug expansion usab sa pantalan sa Misamis Occidental.
