Gipasalig sa Philippine National Police (PNP) nga mahimong transparent ug mosunod sa hustong procedural process si kanhing Ako Bicol Partylist Representative Zaldy Co sa iyahang pag-abot sa nasud.
Sumala kang PNP Spokesperson ug Public Information Office (PIO) Chief PBGen. Randulf Tuano, gikan sa pag-abot ni Co sa Pilipinas hangtod sa booking procedures sama sa mugshots ug medical examination, ug hangtod sa iyang pag-atubang sa Sandiganbayan, ipatuman sa PNP ang transparency.
Gipasabot usab ni Tuano ang mga lakang ug proseso nga sundon sa pag-abot sa kanhing kongresista, sugod sa Department of Foreign Affairs (DFA) alang sa pag-turnover kang Co ngadto sa Department of the Interior and Local Government (DILG).
Samtang human sa turn-over kang Co sa DILG, dad-on kini sa Criminal Investigation and Detection Group (CIDG) sa sulod sa Camp Crame alang sa booking procedures sama sa fingerprinting, mugshot, medical ug physical examination, sa dili pa dalhon sa Sandiganbayan alang sa return of warrant of arrest.
