DAVAO CITY – Nagpahigayon og Entrapment Operation kaganihang sayo sa kadlawon ang mga sakop sa New Bataan Municipal Police Station inubanan sa Special Weapon and Tactics (SWAT) didto sa bukirong bahin sa So. Calamocan, Brgy. Cabinuangan, New Bataan, Davao de Oro batok sa mga suspetsado kinsa nagkawat og mga heavy machineries sa Ulticon Builders Incorporated (UBI).
Giila atol sa operasyon nga ang mga suspek mao ang mga watchmen ug drivers/ operatos sa heavy equipment sa maong kompanya nga sila Pedro Ayano Hayag Jr, 42 anyos , ulitawo, UBI watchman, ug residente sa P-11 Brgy. Cabinuangan, New Bataan, Davao de Oro; Giovanne Vasquez, 23 –anyos , ulitawo, Dump truck Driver sa UBI, ug lumulupyo sa Brgy. Poblacion, Laak, Davao de Oro.
Sikop sab si Norwie Lupase Villabito, 32 anyos , ulitawo, UBI Back Hoe Operator, ug residente sa Brgy. Gayola, Kidapawan City, North Cotabato; Rexter Belgera Diola, 24 anyos , ulitawo, UBI Grader Driver/Operator, ug residente sa Prk. Mabuhay, Brgy Kauswagan, Banay-banay, Davao Oriental; Suspek usab sa krimen si Cornelio Tuyac Depay, 36 anyos, ulitawo, UBI Road Roller Operator, ug residente sa P-1 Brgy Anibongan, Maco, Davao de Oro; giila sab si Jerico Gallano Madawop, 24-anyos , UBI Bulldozer Operator, ug taga Brgy. Lapuan, Don Marcelino, Davao Occidental. Nakompiska usab ang usa ka improvised shotgun gikan sa posisyon ni Pedro Ayano Hayag samtang narekober usab ang usa ka toother.
Kasamtangan, temporaryong gikustodiya sa New Bataan Municipal Police Station ang mga nahisgutan samtang gihikay ang mga dokumento alang sa mga kasong iduso batok kanila.
