DAVAO CITY – Makasinati og tulo ka oras nga pagkapalong sa tubig ang pipila ka bahin sa Davao City nga gisuplayan sa Line 2 sa Dumoy Water Supply System.
Subay sa advisory nga gipagawas sa Davao City Water District kon DCWD, ipatuman ang scheduled water interruption karong Lunes, Abril 25 sa Line 2 Dumoy Water Supply System, sugod alas dose sa tungang gabie hangtod alas 3 sa kaadlawon. Apektado sa water interruption ang tibuok Madapo, Marfori, San Rafael, Circumferential road, Bacaca, J.P. Laurel Ave., Buhangin, Tigatto, Mandug, Lanang, Angliongto, Mamay road, Bo. Pampanga, Sasa until Km. 12, Vista Verde, Davao Empress, Landmark 3, ug Portville.
Apil usab sa mga apektado ang pipila ka bahin sa Quirino going to J.P. Laurel Avenue gikan Bankerohan Bridge padulong sa Quirino Street corner J.P. Laurel Avenue, Madapo Hills, Don Isidro Village, Lower Madapo, Everly Hills Subd., Bankerohan Public Market, Fr. Selga St., Malvar St., F. Torres St., Barangays 5, 6, 7, 8, 9, 10, 11, 12, and 13, Bacaca Road, El Rio Vista, Rolling Hills Subd., San Antonio Village, ug Riverview Village.
Apektado usab ang pipila ka bahin sa Cabantian: Holy Trinity Subd., Countryville Executive Homes, Dela Peña Subd., BACAHOA Subd., Victor Homes, Emilia Homes. Tumong sa water interuption nga marepair ang power transformer nga gitaod sa Dumoy Substation.
