DAVAO CITY – Hugot nga gitutokan karon Sa National Telecommunications Commission (NTC XI) ang paghimo og lakang aron mapugngan ang paghitak sa mga phishing ug text scam ug aron walay mabiktima niini sa rehiyon unse.
Subay niini, nagpahimangno na lamang ang buhatan sa publiko nga dili gayud gilayon mutoo sa mga madawat nga text gikan sa unknown number bisan paman nga aduna kini pangalan sa nag text ingon man pangalan sab mismo sa nakadawat sa mensahe. Gikanayon sa regional director sa NTC XI nga si Nelson Cañete nga karon na matud pa ang saktong panahon nga aprubahan ang “SIM Card Registration Bill” gumikan sa higayon nga mapalabang na kini, mas sayon na lamang ang pag-ila ug pagtrace sa bisan si kinsa mang nagpaluyo niining nagkadaiyang pagpangilad.
Sa pikas bahin, giangkon sa Department of Information Communication and Technlogy (DICT) nga ang hitak nga text spam ug phishing sa nasud ang gikan sa mga international syndicates.
Subay sa ilang inisyal nga imbestigasyon, kinahanglan ang usa ka strategic action aron mapugngan ang susamang illegal nga aktibidad gumikan dili lamang matud pa mga pinoy ang nalambigit niini apan mga international syndicates.
