DAVAO CITY – Gitino ni Dr. Ashley Lopez, OIC sa City Health Office (CHO) nga kadto lamang adunay schedule ang hatagan nila ug prayoridad dungan sa pagsugod sa pagbakuna sa mga “people with comorbidities” sa adlaw nga lunes, Mayo 31, 2021.
Una ng gibutyag sa Lopez nga nangandam na sila sa pagbakuna sa A3 priority list apan kinahanglan nag magdala ang mga nahisgutan ug medical certification ug clearance gikan sa ilang private ug government physician.
Sakop sa A3 priority group kadtong nag-edad ug 18 ngadto na sa 59 anyos nga adunay health conditions sama sa chronic respiratory disease, cardiovascular disease, chronic kidney disease, cerebrovascular disease, hypertension, malignancy, diabetes, obesity, chronic liver disease, neurologic disease, immunodeficiency state, ug daghanan pa.
Gitambagan sab sa opisyal ang mga sakop sa nahisgutan nga kategorya samtang kadtong buot nga magpabakuna kinahanglan nga magpa-rehistro sa pinakaduol nga health centers o bisitahon ang facebook page sa City Government of Davao o magparehistro pinaagi sa Davao City vaccination hotlines 0961-073-4965 (Smart) o 0927-022-9087 (Globe).
