DAVAO CITY – Gibalik na sa Land Transportation Franchising and Regulatory Board – Davao ang Peak Hours Augmentation Bus Service kon PHABS nga gilaumang maghatag ug serbisyo sa mga pasahero gikan sa mga lagyong dapit padulong sa downtown areas sa dakbayan.
Ila kining tubag sa problema sa nagkakuwang nga matang sa transportasyon sa dakbayan.
Una maserbisyohan ang mga nasa Calinan ug Catalunan Grande diin siyam ka bus pa-Calinan ug lima sab ka bus padulong Catalunan Grande ang magbyahe gikan alas-sais hangtud alas-nuebe sa buntag; ug gikan alas-singko sa hapon hangtud alas-otso sa gabii, matag adlaw.
Sumala pa sa LTFRB, padayon pa ang pakig-istorya nila sa usa ka bus company nga makadungag ug pila pa ka mga bus alang sa ruta gikan Toril ug gikan pa-Lasang.
Wala pa hinuon nakontratahang bus company nga mag-byahe gikan Cabantian padulong Mandug area. P13 ang starting fare sa mga airconditioned buses samtang P11 sab ang sa mga ordinary buses.
VIA || Bombo LJ Florendo
