Giklaro sa Department of Trade and Industry nga ang Pax Silica project nga tukoron sa Capas, Tarlac usa ka advanced manufacturing hub ug dili data center.
Atol sa Senate hearing, gihatagan ni Sen. Bam Aquino og higayon sila DTI Usec. Dr. Ceferino Rodolfo ug BCDA President ug CEO Joshua Bingcang nga ipatin-aw ang mga sayop nga pagsabot sa publiko kabahin sa proyekto.
Matud ni Rodolfo, partnership ang Pax Silica ug tumong sa manufacturing hub nga maghimo og mga produkto nga gamiton sa pagpadagan sa AI ecosystem ug pagsiguro sa igo nga suplay niini.
Giklaro usab sa hearing nga walay gamiton nga pondo sa gobyerno alang sa pagtukod sa mga imprastraktura sa proyekto.
Matud pa sa mga opisyal, ang mga investor mismo ang magdala sa ilang kaugalingong power supply.
Tungod niini, ilang gipasalig nga dili maapektuhan ang kasamtangang suplay sa kuryente sa nasud sa operasyon sa maong manufacturing hub. | VIA BOMBO EROS PAJOTA
