DAVAO CITY – Naluagluagan ang paminaw sa amahan nga si Roy Mahidlawon, amahan sa siete anyos nga bata nga gikulata sa iyang magtutudlo human masakpi nga wala magsulat samtang anaa sa ilang klase sa Central Elementary School sa Sta. Cruz, Davao del Sur.
Sumala pa kang Mahidlawon nga bag-ohay lamang sab sila nakadawat ug update sa nahisgutan nga mga kasong criminal ug administratibo batok kang Ma’am Cristina Abellana.
Enero sa tuig 2017 nila napasaka ang kaso ug niining bulana sab sila gi-update sa lihok niini.
Subay niini ang Dep Ed Division Office mipagula na sab sa resulta sa ilang pagdungog sa kaso sa magtutudlo.
Tumong niini nga mapitol ang mga magtutudlo ug dili na mag-abuso, bisan pa sa ilang paningkamot nga makakat-on ang mga kabataang magtutungha.
Tinguha sa amahan nga mataktak sa trabaho isip magtutudlo ang sinumbong, sa tumong ug tuyo nga wala na’y lain pa nga mahimong biktima.
Samtang ang biktima nga si Rey, bout gayud nga mabilanggo ang iyang magtutudlo gumikan sa iyang nahi-aguman.
