DAVAO CITY – Nagkalain-laing paagi sa matag satellite office sa Department of Social Welfare and Development kon DSWD aron sa pag apod-apod sa educational assistance nga ilawom sa programang Assistance to Individual in Crisis Situation diin drop box ang usa sa gimugna nga paagi sa DSWD Region XI aron hapsay ang pagsumite sa mga gikinahanglanon nga requirements sa mga benepesyaryo.
Sumala kang Atty. Vanessa Goc-ong, Regional Director sa DSWD Region XI, nga epektibo ang maong paagi tungod nakontrol ang gidaghanon sa mga tawo tungod muhulat na lamang ang mga benepisyaryo nga i-text o tawagan sila sa mga representante sa maong ahensiya sulod sa upat ngadto sa lima ka adlaw aron makapay-out.
Ang mga papel nga gipanghulog sa drop-box kaniadtong milabay nga Sabado, paningkamutan nga mahuman aron sa pay-out sa Biyernes ug Sabado ug aron ma-cater usab ang tanan nga nagpasa.
via || Bombo David Francisquete
