DAVAO CITY- Nagpahinumdom karon ang Philippine Airlines (PAL) ngadto sa ilang mga pasahero nga gidili una ang pagdala og pork, lakip na pork-related products ug by-products, mapa hilaw, processed o luto man sulod sa ilang hand-carry or checked in baggage kung mubyahe paingon sa Davao City ug pipila ka mga domestic destinations nga gilangkuban sa Bacolod, Butuan, Cagayan de Oro, Caticlan – gawas lamang kung gikan sa ubang bahin sa Visayas Region, Dipolog, General Santos, Iloilo, Kalibo, Puerto Princesa, Roxas, Tagbilaran, Antique ug Zamboanga.
Bisan paman nga usa lamang kini ka temporaryo nga lakang, magpabiling epektibo ang maong pag ban hangtud nga bakwion kini sa mga hingtungdang local government health authorities. Gipasabot sa nahisgutang airlines nga gipatuman ang pag ban aron mapugngan ang pagkatag sa African Swine Fever (ASF) sa mga bulnerableng mga dapit sa Pilipinas.
